Þessi jólahátíð var óvenju afslöppuð og hugguleg, ekki síst fyrir þá staðreynd að ég náði að versla nær allar jólagjafir á Indlandi og þurfti því lítið að flakka á milli verslana síðustu dagana fyrir jól. Og Kringlan og aðrir verslunarklasar voru alveg sniðgengnir og viðskiptum frekar beint í heimabyggðina í hundrað og einum.

Kjötneyslan tekur þó sinn toll og ég finn enn fyrir henni í blóðinu. Hangikjötið á jóladag kippti hjartslættinum upp á við strax eftir fjórða bita. Nú þarf að demba sér í grænmetis- og fiskréttina í nokkra daga áður en gamlárskvöld rennur upp. Það er bara svo og svo mikið hægt að leggja á einn líkama.

- - - -

Karpið í kringum stjórnmálin hefur fengið lágmarksaðgang að eyrum og heilabúi með litlum dagblaðalestri og nær engu sjónvarpsfréttaglápi. Það var kærkomin pása, enda má búast við ýmsu skaki í kringum áramótin og svo eftir þau fram að kosningum í Reykjavík í vor.

- - - -

Og svo er það kotran (sem heitir backgammon á ensku). Fyrr á þessu ári stofnuðum við nokkur félagsskap sem heitir Kotrufélag alþýðunnar (á Fésbók, auðvitað). Haldin hafa verið tvö mót og hið þriðja verður haldið í kvöld kl. 20 á Grand Rokk. Vegleg verðlaun í boði, þar á meðal borðspil frá Spilavinum, þeirri vönduðu verslun. Hvet auðvitað alla til að fjölmenna og taka þátt í skemmtilegu móti í þessu frábæra borðspili.

Höfundur Tvískinnu hefur fært sig upp á skaftið og er að koma sér fyrir víðs vegar í skólakerfinu.

Í leikskóla, hálfan daginn.

Í skapandi skrifum í Listaháskóla Íslands.

Í bókmenntasögu og skapandi skrifum við Kvikmyndaskóla Íslands.

Í skólaheimsóknum í grunnskóla með efni Tvískinnu.

Á öllum skólastigum, sem sagt.

Þar að auki verð ég með námskeið í skapandi skrifum á vegum Mímis sem hefst þann 1. október. Örfá sæti laus!

Allar nánari upplýsingar hér: http://url.is/2bd

Skólar sem nota Tvískinnu í kennslu verða sífellt fleiri – nú síðast hafa bæst í hópinn Austurbæjarskóli, Salaskóli, Verkmenntaskóli Austurlands á Neskaupstað og Fjölbrautaskóli Vesturlands á Akranesi.

Það er fjör! Áhugasamir skrái sig á námskeið hið fyrsta http://url.is/2bd en ó-áhugasamir éti það sem úti frýs. Í fullum kærleika.

Kveðja,

Davíð

http://tviskinna.ljod.is/

Jonathan Richman, rómaður tónlistarsnillingur og sérvitringur.

Hann spilar í kosningamiðstöð VG, Tryggvagötu 11, kl. 21:00 í kvöld. Ólöf Arnalds hitar upp.

Aðgangur við dyrnar er aðeins kr. 1000-. Gjafverð fyrir góða tónleika.

Sjá nánar hér á Fésbók og svo er örugglega hægt að leita að kappanum á YouTube og Google.