Fésbókin spurði og ég svaraði …

Spurning af Facebook:

Davíð ef ég má spurja hvaða reynslu og skilning á lagalegum bókstaf hefur þú að bera? Eins og ég sé þá ert þú lærður í Ensku, BS og bókmenntum.
Ertu með með eitthverjar hugmyndir um hverning þú mundir vilja haga skipunn hæstaréttadómara eða skipunn til seðlabankastjóra?
Svo í síðasta lagi hvaða hugmyndir hefur þú með að sameina flokkakjör og einstaklinga í kostingum.

Ég hef hvorki reynslu né skilning á lagalegum bókstaf. Ég er sem sagt með BA próf í bókmenntum og ensku.

Skipun hæstaréttardómara þarf að vera fagleg frekar en pólitísk. Ein leiðin (og kannski sú eina, þótt hún sé ekki mjög spennandi) er sú að „hlutlaus“ ráðningarnefnd sjái alfarið um að ráða dómara. Til að reyna að tryggja hlutleysi nefndarinnar þyrfti að ráða í hana eftir einhverjum vottunarleiðum (t.d. ráðningarskrifstofum) eða skipa í hana þverpólitískt með fulltrúum allra flokka.

Svipað þyrfti að gilda um seðlabankastjóra. Í mínum huga þyrfti að vera mjög skýrt kveðið á um að seðlabankastjóri sé ekki stjórnmálamaður, a.m.k. að hann sé ekki líklegur til að lenda í pólitískum slag við ríkisstjórnir. Og algert grundvallaratriði að seðlabankastjóri sé ekki fastráðinn til sjö ára, eins og lögin eru núna. Af hverju þessi langi ráðningartími? Af hverju er ekki sjálfsagt mál að hægt sé að reka seðlabankastjóra ef hann stendur sig ekki vel?

Persónukjör í kosningum: Ég vil geta haft áhrif þvert á lista stjórnmálaflokka. Ástæðan er sú að uppstillingar og prófkjör skila bara ákveðinni niðurstöðu, gjarnan lenda þar mjög ofarlega einstaklingar sem eru „sterkir“ á alveg ákveðinn hátt. Og heilt og gott fólk með minni reynslu og veikara tengslanet nær ekki sama flugi. Mér litist best á að ég gæti kosið ákveðinn flokk með afgerandi hætti, merkt við einstaklinga innan þess flokks OG valið þá einstaklinga sem mér líst best á af öðrum listum. Margir spyrja sig að hve miklu leyti þetta frjálsræði eigi að gilda - hvort ég kjósi meirihlutann úr mínum flokki en geti deilt 5 atkvæðum á aðra flokka. Það væri ein leiðin. Á Írlandi skilst mér að þú getir kosið flokkslista og sett eitt atkvæði á einstakling af öðrum lista.***

Við tölum alltaf um fulltrúalýðræði - þetta yrði að minnsta kosti beinna fulltrúalýðræði og leið til að veita efnilegum einstaklingum brautargengi, sama hversu vel þeim gekk innan síns flokks.

*** Árni Haraldsson sendi inn þessa leiðréttingu:

Sæll Davíð, sem “hálfur” íri get ég leiðrétt þig vegna þingkosninga á Írlandi.
Þar getur þú kosið ákveðinn fjölda þingmanna og fer það eftir því svæði sem þú býrð á. Ef þitt svæði leyfir t.d. 10 þingmenn, þá velur þú af listum (óháð) flokkum 10 þingmenn (mátt velja færri og þess vegna 1). Þú gefur þeim númerið 1-10 þar sem 1 er best.
Þeir eru mun framar okkur Íslendingum í lýðræðinu.

Tags: fulltrúalýðræði, hæstaréttardómari, persónukjör, seðlabankastjóri

Pólítík | RSS 2.0 | Respond | Trackback |